Kennsla fer fram annan hvern sunnudag frá kl. 12:00 – 15:00.

Á hverjum vetri eru um það bil 15 kennsludagar.

Haustönnin byrjar í lok september og lýkur í desember. Vorönnin byrjar í lok janúar og lýkur í maí.

Helstu viðburðir skólastarfsins:

• Tónlistardagur: Það er orðin venja að hafa tónlistardag í byrjun annar og bjóða íslensku tónlistarfólki sem búsett er í Hollandi til að vera með nemendum eina kennslustund.
• Jólaball: Síðari hluti annarinnar fer að hluta í að undirbúa jólaballið sem haldið um miðjan desember og fer fram í samvinnu við Vinafélag Íslands og Niðurlanda (VIN http://www.verenigingijslandnederland.nl/). Nemendur og kennarar skólans sjá um skemmtiatriðin og foreldrar og aðrir viðstaddir um veitingarnar.
• Íslenski hesturinn: Einnig er orðin hefð fyrir því að heimsækja búgarð í Hollandi sem er með íslenska hesta og fá nemendur þar að fara á bak.
• Grillveisla sem allir foreldrar taka þátt í og markar lok skólaársins.

Heimavinna

Stefnt er að því að hafa sem minnsta heimavinnu hjá börnunum. Foreldrar eru hvattir til að lesa íslenskar sögubækur fyrir börnin í yngri hópnum. Bókin “Í stafaleik” er kjörin til heimavinnu fyrir yngri hópana. Auk þess er mikils virði að foreldrar kenni börnunum íslensk barnalög til að styðja við íslenskuna hjá þeim.